അനീഷ്‌ കെ എസ് ലാലേട്ടനൊപ്പം ഈ ഓണം ആഘോഷിക്കൂ – ലാലോണം നല്ലോണം
ഈ ഓണം മലയാളി ടെലിവിഷൻ കാഴ്ചക്കാർക്ക് വളരെ പുതുമയുള്ളതാവും, നിങ്ങളുടെ പ്രിയപ്പെട്ട നടൻ മോഹന്‍ലാല്‍ ഏഷ്യാനെറ്റ് ഒരുക്കുന്ന ലാലോണം നല്ലോണം സ്റ്റേജ് ഷോയിൽ ചേരുന്നു. ഈ ഉത്സവ സീസണിലെ ഏഷ്യാനെറ്റിന്റെ പ്രധാന ആകർഷണങ്ങളിലൊന്നാണ് ഈ പരിപാടി . ടോവിനോ തോമസ് അഭിനയിക്കുന്ന കിലോമീറ്റേഴ്സ് ആന്റ് കിലോമീറ്റേഴ്സ് സിനിമയുടെ നേരിട്ടുള്ള റിലീസും ചാനൽ ആസൂത്രണം ചെയ്യുന്നു. ഇവ കൂടാതെ ഈ ഓണം ആഘോഷമാക്കാന്‍ ഏഷ്യാനെറ്റ് നിരവധി പുതുമയുള്ള കലാപരിപാടികള്‍ , നിരവധി ചലച്ചിത്രങ്ങളുടെ പ്രീമിയറുകള്‍ എന്നിവയും ഒരുക്കുന്നുണ്ട്‌.
ടെലികാസ്റ്റ് സമയം
ചാനൽ ഈ പരിപാടിയുടെ സംപ്രേക്ഷണ സമയം ഇതുവരെ പ്രഖ്യാപിച്ചിട്ടില്ല , ഓണത്തിന് മുമ്പായി സിനിമകളുടെ പ്രീമിയറുകള്‍ നമുക്ക് പ്രതീക്ഷിക്കാം. ലാലോണം നല്ലോണം തിരുവോണ ദിവസം ആവും ഏഷ്യാനെറ്റ് സംപ്രേക്ഷണം ചെയ്യുക. കഴിഞ്ഞ രണ്ട് ഓണം സീസണുകളും വെള്ളപ്പൊക്കം മൂലം ചാനലുകളുടെ ആഘോഷങ്ങളെ കാര്യമായി ബാധിച്ചിരുന്നു . ഏഷ്യാനെറ്റുമായി ദീർഘകാല ബന്ധമുള്ള മോഹൻലാൽ രണ്ട് സീസണുകളിൽ ബിഗ് ബോസ് റിയാലിറ്റി ഷോയുടെ ആതിഥേയനായിരുന്നു. കോവിഡ് -19 പാൻഡെമിക് സാഹചര്യങ്ങൾ കാരണം ബിഗ് ബോസ് സീസൺ 2 റദ്ദാക്കപ്പെട്ടു, ബിഗ്ഗ് ബോസ്സ് മൂന്നാം സീസണുമായി അദ്ദേഹം മടങ്ങിവരും എന്നുകരുതപ്പെടുന്നു . സ്റ്റാർ സിംഗർ സീസൺ 8 ഉടന്‍ ആരംഭിക്കും എന്ന പ്രോമോ വീഡിയോകള്‍ ഏഷ്യാനെറ്റ് കാണിച്ചു തുടങ്ങി.
വരാനിരിക്കുന്ന പ്രോഗ്രാമുകൾ
ഏറ്റവും പ്രശസ്തമായ മലയാള മ്യൂസിക്കൽ റിയാലിറ്റി ഷോയായ സ്റ്റാർ സിംഗർ അതിന്‍റെ 8 ആം സീസണ്‍ ആരംഭിക്കുന്നതിനെക്കുറിച്ചുള്ള ഒരു പ്രൊമോ വീഡിയോ ഏഷ്യാനെറ്റ് അപ്‌ലോഡ് ചെയ്തു. സീരിയൽ പാടാത്ത പൈങ്കിളി ഉടൻ വരാനിരിക്കുന്ന മറ്റൊരു ആകർഷണമാണ്, വിവരം അനുസരിച്ച് സെപ്റ്റംബർ ആദ്യ ആഴ്ച ഇത് പ്രീമിയർ ചെയ്യും. ടി‌ആർ‌പി ചാർട്ടിൽ മുൻ‌പന്തിയിലുള്ള ഏഷ്യാനെറ്റ് സീരിയല്‍ കുടുംബവിളക്ക് ഏറ്റവും ഉയർന്ന ടിആര്‍പ്പി റേറ്റിംഗുള്ള കേരള ടിവി പ്രോഗ്രാമാണ്.
