അനീഷ്‌ കെ എസ് ഏഷ്യാനെറ്റിൽ പുതിയ പരമ്പര നമ്മൾ – മുക്ത , അരുൺ ഘോഷ് എന്നിവര്‍ പ്രധാന വേഷങ്ങളില്‍
ഏറ്റവും പ്രചാരമുള്ള മലയാളം വിനോദ ചാനല്‍ ഏഷ്യാനെറ്റില്‍ പുതിയ സീരിയല്‍ ഡിസംബർ 5 മുതൽ, ജനപ്രിയ പരമ്പരകളുടെയും സ്റ്റാർ സിങ്ങർ ജൂനിയർ സീസൺ 3 യുടെയും സംപ്രേക്ഷണസമയത്തിൽ മാറ്റം .
വിവിധ സാഹചര്യത്തിൽ വളർന്ന ആറു കുട്ടികളും അവരുടെ ഉല്ലാസത്തിന്റെയും ആഘോഷത്തിന്റെയും പ്രതിസന്ധികളുടെയും, ഇവരുടെ ജീവിതത്തിന്റെ ഭാഗമായി വരുന്ന വ്യത്യസ്ത സ്വഭാവക്കാരായ കഥാപാത്രങ്ങളുടെയും കഥപറയുകയാണ് ” നമ്മൾ ” എന്ന പുതിയ പരമ്പര. ശിവദ , ഹെലൻ , നീരജ് , ജസ്റ്റിൻ , നൂറിൻ , കരിഷ്മ എന്നിവരുടെ സൗഹൃദത്തിന്റെയും കൂടി കഥയാണ് നമ്മൾ .
അഭിനേതാക്കള്‍
ദേവദാസ് വാസുദേവന്റെ തിരക്കഥയിൽ ഷിജു അരൂർ സംവിധാനം ചെയ്യുന്ന ഈ പരമ്പരയിൽ പ്രശസ്ത ചലച്ചിത്ര ടെലിവിഷൻ താരങ്ങളായ മുക്ത , അരുൺ ഘോഷ് , ഇഷ , അമർനാഥ് , ഇ എ രാജേന്ദ്രൻ , അജയ് വാസുദേവ് , ലൗലി, പവിത്രൻ , സാനിയ , ദേവദത്ത് , സന , സാന്ദ്ര തുടങ്ങിയവർ പ്രധാന കഥാപാത്രങ്ങളായി എത്തുന്നു.
പുതുമയുടെ വസന്തം തീർത്ത് ജീവിതഗന്ധിയായ കഥാസന്നർഭങ്ങളുമായി പുതിയ പരമ്പര ” നമ്മൾ ” ഏഷ്യാനെറ്റിൽ ഡിസംബർ 5 മുതൽ , തിങ്കൾ മുതൽ വെള്ളിവരെ രാത്രി 9 മണിക്ക് പ്രേക്ഷകർക്ക് മുന്നിൽ എത്തുന്നു.
ഏഷ്യാനെറ്റ്‌ സീരിയലുകള്‍
പ്രേക്ഷകരുടെ നിരന്തരമായ ആവിശ്യപ്രകാരം കുട്ടികുരുന്നുകളുടെ കുറുമ്പും പാട്ടുകളുമായി ” സ്റ്റാർ സിങ്ങർ ജൂനിയർ സീസൺ 3 ” ഡിസംബർ 3 മുതൽ എല്ലാ ശനി , ഞായർ ദിവസങ്ങളിലും രാത്രി 7.30 മണിക്കും ജനപ്രിയപരമ്പരകളായ ” തൂവൽസ്പർശം” തിങ്കൾ മുതൽ ശനി വരെ വൈകുന്നേരം 6 മണിക്കും ” കൂടെവിടെ ” തിങ്കൾ മുതൽ വെള്ളിവരെ രാത്രി 9.30 നും പാടാത്ത പൈങ്കിളി തിങ്കൾ മുതൽ വെള്ളിവരെ 10 മണിക്കും സംപ്രേക്ഷണം ചെയ്യുന്നു.
