മിസ്സിസ് ഹിറ്റ്‌ലർ സീരിയല്‍ – മേഘ്ന വിൻസെന്റും ഷാനവാസും പ്രധാന വേഷത്തിലെത്തുന്നു

ഏപ്രിൽ 19 മുതൽ സീ കേരളം ചാനലിൽ ആരംഭിക്കുന്നു മിസ്സിസ് ഹിറ്റ്‌ലർ സീരിയല്‍

മലയാളി ടെലിവിഷൻ പ്രേക്ഷകരുടെ സ്വീകരണമുറികളിലെ സ്ഥിരസാന്നിധ്യമായി മാറിയ സീ കേരളം ചാനലിലെ ഏറ്റവും പുതിയ പരമ്പര മിസ്സിസ് ഹിറ്റ്‌ലർ ഏപ്രിൽ 19, 8:30 മുതൽ പ്രക്ഷേപണം ആരംഭിക്കുന്നു. പ്രേക്ഷകരുടെ ഏറ്റവും പ്രിയപ്പെട്ട സീരിയൽ താരങ്ങളിലൊരാളായ ഷാനവാസ് ‘ഹിറ്റ്‌ലർ’ എന്ന പുതിയ വേഷത്തിലൂടെ ആവേശകരമായ ഒരു റീ എൻ‌ട്രി സൃഷ്ടിക്കാൻ ഒരുങ്ങുകയാണിപ്പോൾ. മിനിസ്‌ക്രീനിലേക്കുള്ള താരത്തിന്റെ തിരിച്ചുവരവ് ആഘോഷിക്കുകയാണ് പ്രേക്ഷകരെല്ലാം. രുദ്രനും ഇന്ദ്രനും ശേഷം ഒരു കില്ലർ മേക്കോവറിലാണ് ഷാനവാസ് തിരിച്ചെത്തിയിരിക്കുന്നത്.

ക്രെഡിറ്റ്

അഭിനേതാക്കള്‍

ദേവ് കൃഷ്ണ, ജ്യോതി എന്നീ പ്രധാന കഥാപാത്രങ്ങളിൽ എത്തുന്ന ഷാനവാസിനും മേഘ്ന വിൻസെന്റിനും പുറമെ സിനിമ -സീരിയൽ താരം പൊന്നമ്മ ബാബുവും ഒരു മുഖ്യ വേഷത്തിൽ മിസ്സിസ് ഹിറ്റ്‌ലർ പരമ്പരയിലുണ്ട്. പേര് സൂചിപ്പിക്കുന്ന പോലെ തന്നെ ഭാവത്തിലും പെരുമാറ്റത്തിലും കർക്കശക്കാരനായ കഥാപാത്രത്തെ അവതരിപ്പിച്ചുകൊണ്ടുള്ള ടീസർ പുറത്തിറങ്ങിയപ്പോൾ തന്നെ ഏറെ പ്രേക്ഷകശ്രദ്ധ പിടിച്ചു പറ്റിയിരുന്നു. അതിൽ നിന്നും തികച്ചും വ്യത്യസ്തമായ കഥാപാത്രമായ ജ്യോതിയെയാണ് മേഘ്ന വിൻസെന്റ് അവതരിപ്പിക്കുന്നത്. ഈ രണ്ടു തരക്കാരുടെ ഒരുമിച്ചുള്ള ജീവിതത്തിലെ മധുരവും കയ്പ്പും നിറഞ്ഞ കാഴ്ചകളാണ് പരമ്പരയുടെ പ്രധാന കഥാതന്തു .

മിസ്സിസ് ഹിറ്റ്‌ലർ പ്രീമിയർ ഏപ്രിൽ 19 നു 8:30 മുതൽ സീ കേരളം ചാനലിൽ.