അനീഷ്‌ കെ എസ് ധ്യാൻ ശ്രീനിവാസനും ആനിയും വിധികര്‍ത്താക്കള്‍ ആവുന്ന പുതു പുത്തന്‍ മലയാളം കുക്കിംഗ് റിയാലിറ്റി ഷോ, കുക്ക് വിത്ത് കോമഡി
സ്റ്റാര്‍ വിജയ്‌ ചാനല്‍ പരിപാടി കുക്ക് വിത്ത് കോമാളിയുടെ മലയാളം പതിപ്പ് , കുക്ക് വിത്ത് കോമഡി ഏഷ്യാനെറ്റിൽ സംപ്രേക്ഷണം ആരംഭിക്കുന്നു. സിനിമ ടെലിവിഷൻ താരങ്ങളും കേരളത്തിലെ പ്രമുഖ ഹാസ്യതാരങ്ങളും ഒന്നിക്കുന്ന റിയാലിറ്റി ഷോയുടെ ലോഞ്ച് എപ്പിസോഡ് ചാനല്‍ മെയ് 6, ശനിയാഴ്ച രാത്രി 7.30 നും തുടർന്ന് എല്ലാ ശനി , ഞായർ ദിവസങ്ങളിൽ രാത്രി 8 മണിക്കും സംപ്രേക്ഷണം ചെയ്യുന്നു.
കൗണ്ടർ കിംഗ്‌ ധ്യാൻ ശ്രീനിവാസന്‍ ഇനി മിനിസ്ക്രീനിലേക്ക് , ഏഷ്യാനെറ്റ്‌ ഒരുക്കുന്ന ഏറ്റവും പുതിയ കുക്കിംഗ് റിയാലിറ്റി ഷോയുടെ വിധികര്‍ത്താക്കളില്‍ ഒരാളാണ് ധ്യാന്‍ ശ്രീനിവാസന്‍.
മലയാളം കുക്കിംഗ് റിയാലിറ്റി ഷോ
രണ്ടുപേരടങ്ങുന്ന ഏഴ് ടീമുകളാണ് ഈ ഷോയിൽ പങ്കെടുക്കുന്നത് . ഓരോ ടീമിലും ഒരു പ്രശസ്തതാരം മത്സരാർഥിയായും സഹായിക്കുന്നതിന് ഒരു ഹാസ്യതാരവും ഉണ്ടാകും. ” കുക്ക് വിത്ത് കോമഡി ” യുടെ വിധികർത്താക്കളായി എത്തുന്നത് നടനും സംവിധായകനും കൗണ്ടർ കിംഗുമായ ധ്യാൻ ശ്രീനിവാസനും മലയാളികളുടെ പ്രിയതാരം ആനി ഷാജി കൈലാസ് മാണ് . ഈ ഷോയുടെ അവതാരകയായി എത്തുന്നത് ചലച്ചിത്രതാരം മീര നന്ദനാണ്.
വർണ്ണാഭമായ ” കുക്ക് വിത്ത് കോമഡി ” യുടെ ലോഞ്ചിങ് എപ്പിസോഡിൽ മുഖ്യാതിഥിയായി എത്തുന്നത്പ്രശസ്ത ചലച്ചിത്രതാരം അജു വര്ഗീസാണ്.
