അനീഷ്‌ കെ എസ് അല്ലിയാമ്പല്‍ സീരിയല്‍ താരങ്ങള്‍ ദുരിതാശ്വാസമായി ഓണക്കിറ്റുകള്‍ വിതരണം ചെയ്തു
ആലപ്പുഴ: പ്രളയം മൂലം ദുരിതം അനുഭവിക്കുന്ന കുട്ടനാട്ടിലെ ജനങ്ങള്‍ക്ക് കൈത്താങ്ങായി സീരിയല്‍ താരങ്ങള്‍. പ്രളയം നാശം വിതച്ച കുട്ടനാട്ടിലെ കൈനകിരി ഗ്രാമത്തില്‍ നേരിട്ടെത്തിയ, സീ കേരളം വിനോദ ചാനലിലെ ജനപ്രിയ സീരിയല്‍ ‘അല്ലിയാമ്പലി’ലെ താരങ്ങളായ പല്ലവി ഗൗഡ, ഇബ്രാഹിം കുട്ടി, ബെന്നി ജോണ്‍ എന്നിവര്‍ ദുരിതാശ്വാസമായി ഓണക്കിറ്റുകള്‍ വിതരണം ചെയ്തു. ജില്ലാ ഭരണകൂടവുമായി സഹകരിച്ചായിരുന്നു പരിപാടി. ഗ്രാമത്തിലെ നൂറോളം കുടുംബങ്ങള്‍ക്കാണ് സീ കേരളം ഓണക്കിറ്റ് നല്‍കിയത്. വെള്ളപ്പൊക്ക ദുരിതബാധിതരുടെ വിഷമങ്ങളും താരങ്ങള്‍ അന്വേഷിച്ചു. പ്രളയത്തിന്റെ കഷ്ട അനുഭവിക്കുന്നവര്‍ക്കൊപ്പം സീ കേരളവും അണിയറ പ്രവര്‍ത്തകരും ഉണ്ടാകുമെന്നും സഹായിക്കുമെന്നും ഇബ്രാഹിം കുട്ടി പറഞ്ഞു.
കൈനകിരി വടക്കു വില്ലേജിലെ ചെറുകായല്‍, ആറുപങ്കു, മീനപ്പള്ളില്‍ പ്രദേശങ്ങളിലാണ് സീ കേരളം ഓണകിറ്റുകള്‍ വിതരണം ചെയ്തത്. സീ കേരളം പ്രത്യേകമായി രൂപകല്‍പ്പന ചെയ്ത വള്ളത്തിലാണ് താരങ്ങള്‍ പ്രദേശങ്ങള്‍ സന്ദര്‍ശിച്ചത്. ഒരു ചാനല്‍ എന്ന നിലയില്‍ സീ കേരളം ചെയ്യുന്നത് വലിയ ഒരു കാര്യമാണെന്നും, മഴക്കാലത്തിനു ശേഷവും തങ്ങളെ കാണാനും, സഹായിക്കാന്‍ എത്തിയത് ഏറെ നന്ദിയോടെ സ്മരിക്കുന്നതായി മീനപ്പള്ളി പ്രദേശവാസികള്‍ പറഞ്ഞു.
