കുടുംബബന്ധങ്ങളുടെയും സ്ത്രീശക്തിയുടെയും ഹൃദയസ്പർശിയായ കഥയുമായി ഏഷ്യാനെറ്റ് അവതരിപ്പിക്കുന്ന പുതിയ പരമ്പരയാണ് ‘ഈ പുഴയും കടന്ന് ’. ജീവിതത്തിലെ അപ്രതീക്ഷിത നഷ്ടങ്ങൾക്കിടയിലും പ്രതിരോധവും കരുത്തും കൈവിടാതെ മുന്നേറുന്ന ഒരു അമ്മയുടെയും അവളുടെ നാല് പുത്രിമാരുടെയും കഥയാണ് ഈ സീരിയൽ അവതരിപ്പിക്കുന്നത്.
പിതാവിന്റെ അപ്രതീക്ഷിത വേർപാടിനെ തുടർന്ന് ജീവിതത്തിന്റെ കഠിന യാഥാർത്ഥ്യങ്ങളെ നേരിടേണ്ടിവരുന്ന ഗംഗ, കാവേരി, യമുന, നില എന്നീ നാല് സഹോദരിമാരുടെയും അവരുടെ അമ്മയുടെയും ജീവിതത്തിലൂടെയാണ് കഥ മുന്നേറുന്നത്. കുടുംബത്തിന്റെ താങ്ങും തണലുമായ പുരുഷ സാന്നിധ്യം നഷ്ടമായ ശേഷം, മാനസിക സംഘർഷങ്ങളും സാമൂഹിക വെല്ലുവിളികളും അതിജീവിച്ച് ഒരുമിച്ചു മുന്നേറുന്ന സ്ത്രീകളുടെ യാത്രയാണ് ‘ഈ പുഴയും കടന്ന് ’ പ്രേക്ഷകർക്ക് മുന്നിൽ തുറന്നിടുന്നത്.
Launching on 2nd February, Ee Puzhayum Kadannu Serial Telecast Every Monday to Friday at 9:30 PM, Tune into JioHotstar for Today Episodes Online.
സ്നേഹം, കുടുംബബന്ധങ്ങൾ, ത്യാഗം, സഹനശക്തി, പ്രതിസന്ധികളെ അതിജീവിക്കുന്ന ആത്മവിശ്വാസം എന്നിവയാണ് സീരിയലിന്റെ മുഖ്യ പ്രമേയങ്ങൾ. യാഥാർത്ഥ്യത്തോട് ചേർന്ന കഥാപാത്രങ്ങളും ശക്തമായ നാടകീയ മുഹൂർത്തങ്ങളും സീരിയലിനെ കുടുംബപ്രേക്ഷകർക്ക് ഏറെ അനുഭവവേദ്യമാക്കുന്നു.
ഗോമതി പ്രിയ, കുഞ്ഞികൃഷ്ണൻ, നിഷ സാരംഗ്, ഹരിത നായർ, രേവതി, ലക്ഷ്യ, പ്രബിൻ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. വിഷ്ണു ചന്ദ്രൻ സംവിധാനം ചെയ്യുന്ന ഈ പരമ്പര ശക്തമായ അഭിനയവും വികാരസമ്പന്നമായ കഥാപറച്ചിലും കൊണ്ടാണ് ശ്രദ്ധേയമാകുന്നത്.
കുടുംബപ്രേക്ഷകരുടെ മനസ്സിൽ ഇടംപിടിക്കാൻ ഒരുങ്ങുന്ന ‘ഈ പുഴയും കടന്ന് ’ ഫെബ്രുവരി 2 മുതൽ, തിങ്കൾ മുതൽ വെള്ളി വരെ, രാത്രി 9.30ന് ഏഷ്യാനെറ്റിൽ സംപ്രേഷണം ചെയ്യുന്നു.
