ഏഷ്യാനെറ്റ്‌ വേള്‍ഡ് ടെലിവിഷന്‍ പ്രീമിയര്‍ മൂവി – ദി ഗ്രേറ്റ് ഇന്ത്യൻ കിച്ചൺ
പ്രേക്ഷക പ്രശംസ പിടിച്ചു പറ്റിയ മഹത്തായ ഭാരതീയ അടുക്കള (ദി ഗ്രേറ്റ് ഇന്ത്യൻ കിച്ചൺ) സിനിമയുടെ ആദ്യ മിനിസ്ക്രീന്‍ പ്രദര്‍ശനം ഒരുക്കുകയാണ് മലയാളത്തിലെ നമ്പര്‍ 1 ചാനലായ ഏഷ്യാനെറ്റ്‌. ദാമ്പത്യബന്ധങ്ങൾ കാരാഗൃഹങ്ങൾ ആക്കുന്ന പുരുഷാധിപത്യ വ്യവസ്ഥയ്ക്ക് എതിരെയുള്ള ശക്തമായ പ്രതിഷേധമാണ് ചിത്രത്തിന്‍റെ ഇതിവൃത്തം. സുരാജ് വെഞ്ഞാറമൂട് , നിമിഷ സജയൻ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രം നീസ്ട്രീം ഒടിടി പ്ലാറ്റ്‌ഫോമിലൂടെയാണ് റിലീസ് ചെയ്തത്.
ബിഗ് ബോസ് മലയാളം സീസണ്‍ 3 , ഞായര്‍ 14 ഫെബ്രുവരി – ഏഷ്യാനെറ്റില്‍ ആരംഭിക്കുന്നു.
കിലോമീറ്റേഴ്സ് ആന്‍ഡ് കിലോമീറ്റേഴ്സിനു ശേഷം ജിയോ ബേബി രചനയും സംവിധാനം ചെയ്ത ചിത്രത്തില്‍ സുരാജ് വെഞ്ഞാറമൂട് , നിമിഷ സജയൻ എന്നിവര്‍ക്കൊപ്പം ടി സുരേഷ് ബാബു, രാമദേവി, കബനി, സിദ്ധാർത്ഥ ശിവ എന്നിവരും അഭിനയിച്ചിരിക്കുന്നു. ഡിജോ അഗസ്റ്റിൻ , ജോമോൻ ജേക്കബ്, വിഷ്ണു രാജൻ , സജിൻ എസ് രാജ് എന്നിവര്‍ നിര്‍മ്മിച്ച സിനിമ ഈ ഞായര്‍ വൈകുന്നേരം 4:00 മണിക്ക് ഏഷ്യാനെറ്റ്‌, ഏഷ്യാനെറ്റ്‌ എച്ച് ഡി ചാനലുകളിലൂടെ പ്രേക്ഷകര്‍ക്ക് ആസ്വദിക്കാം.
