സീ കേരളം മഹോത്സവം, ശോഭനയുടെ 40 വർഷങ്ങൾ ആഘോഷിക്കാൻ മഹോത്സവം ഒരുക്കി സീ കേരളം ചാനല്‍

കൊച്ചിയിലെ ദർബാർ ഹാൾ ഗ്രൗണ്ടിൽ ഡിസംബർ 16, ശനിയാഴ്‌ച വൈകിട്ട് താരങ്ങൾ അണിനിരക്കുന്ന കലാവിരുന്ന് – സീ കേരളം മഹോത്സവം

മലയാളികളുടെ പ്രിയപ്പെട്ട നടിയും നര്‍ത്തകിയുമായ പത്മശ്രീ ശോഭന ഇന്ത്യൻ ചലച്ചിത്ര മേഖലയിൽ 40 വർഷം പൂർത്തിയാക്കുന്ന വേള ആഘോഷമാക്കാൻ പ്രേക്ഷകരുടെ ഇഷ്ട ചാനലായ സീ കേരളം. ഡിസംബർ 16 ശനിയാഴ്ച കൊച്ചിയിലെ ദർബാർ ഹാൾ ഗ്രൗണ്ടിൽ സീ കേരളം സംഘടിപ്പിക്കുന്ന മികവുറ്റ കലാവിരുന്നിൽ ശോഭനയുടെ 40 വർഷത്തെ ചലച്ചിത്ര ജീവിതം കൊണ്ടാടാൻ നിരവധി താരങ്ങളും എത്തും.

വൈകിട്ട് 5.30 മണിക്ക് ആരംഭിക്കുന്ന കലാവിരുന്നിന്‌ സീ കേരളം നൽകിയിരിക്കുന്ന പേര് മഹോത്സവം എന്നാണ്. പേര് പോലെ തന്നെ ഒരു ബൃഹത് മഹോത്സവമാണ് കൊച്ചിയിലെ പ്രേക്ഷകരെ കാത്തിരിക്കുന്നത്. സീ കേരളം ചാനലിലെ ജനപ്രിയ പരിപാടിയായ സരിഗമപ യിലെ മത്സരാർത്ഥികൾ ശോഭനയ്ക്കുള്ള ആദരമായി ഒരുക്കുന്ന കലാവിരുന്ന്, ശോഭന അവതരിപ്പിച്ച തേന്മാവിൻ കൊമ്പത്ത് എന്ന ചലച്ചിത്രത്തിലെ കാർത്തുമ്പി, മണിച്ചിത്രത്താഴിലെ നാഗവല്ലി എന്നീ കഥാപാത്രങ്ങളെ ഉൾക്കൊള്ളിച്ചുകൊണ്ട് ഡ്രാമാ ജൂനിയേഴ്സ് അവതരിപ്പിക്കുന്ന സ്കിറ്റ് തുടങ്ങിയ പരിപാടികൾ മുഖ്യ ആകർഷണങ്ങളാകും.

ശോഭന @40

ഇവ കൂടാതെ ഉടനെ പുറത്തിറങ്ങുന്ന ക്വീൻ എലിസബത്ത് എന്ന പുതിയ ചലച്ചിത്രത്തിലെ താരങ്ങളായ മീര ജാസ്മിൻ, നരേൻ തുടങ്ങിയവർ പങ്കെടുക്കുന്ന പരിപാടിയും ഉൾക്കൊള്ളിച്ചിട്ടുണ്ട്. ചടങ്ങിൽ ക്വീൻ എലിസബത്ത് എന്ന സിനിമയുടെ ട്രെയ്‌ലർ പ്രകാശനവും നടക്കും. 40 വർഷമായി ചലച്ചിത്ര, നൃത്ത മേഖലകളിൽ സജീവമായ ശോഭനയ്ക്കൊരു ഉദാത്തമായ സമ്മാനമായാണ് സീ കേരളം മഹോത്സവം അരങ്ങേറുന്നത്.

സീ കേരളം ചാനലിൽ ഡിസംബർ 18 മുതൽ സംപ്രേക്ഷണം ആരംഭിക്കുന്ന രണ്ടു പുതിയ സീരിയലുകൾ അവതരിപ്പിക്കുന്നത് ശോഭനയാണ്. മലയാള സിനിമാ-ടെലിവിഷന്‍ പ്രേക്ഷകരുടെ ഹൃദയത്തില്‍ ഇടംപിടിച്ച നിത്യഹരിത നായികയായ ശോഭന അവതരിപ്പിക്കുന്ന സീരിയലുകള്‍ ഏറെ പ്രത്യേകതകള്‍ കൊണ്ട് ആകര്‍ഷണീയമാണ്.

സീ കേരളം മഹോത്സവം

മായാമയൂരം, സുഭദ്രം എന്നീ സീരിയലുകളാണ് ശോഭനയുടെ അവതരണത്തിൽ പ്രേക്ഷകർക്കു മുന്നിലെത്തുന്നത്. അരുൺ രാഘവൻ, ഗോപിക പത്മ എന്നിവർ മുഖ്യ വേഷങ്ങളിലെത്തുന്ന മായാമയൂരം സീ കേരളം ചാനലിൽ ഡിസംബർ 18 മുതൽ തിങ്കൾ മുതൽ വെള്ളി വരെ രാത്രി 9 മണിക്ക് കാണാം. സ്‌നിഷ ചന്ദ്രൻ, ജയ് ധനുഷ്, വിഷ്ണു എന്നിവർ പ്രധാന വേഷങ്ങളിലെത്തുന്ന സുഭദ്രം സീ കേരളം ചാനലിൽ ഡിസംബർ 18 മുതൽ തിങ്കൾ മുതൽ ഞായർ വരെ എല്ലാ ദിവസവും രാത്രി 7 മണിക്ക് കാണാം.

ഏറെ പ്രിയങ്കരിയായ പത്മശ്രീ ശോഭന സീ കേരളം കുടുംബവുമായി ഒത്തു ചേരുന്നതിന്റെ ആഘോഷം കൂടിയാണ് ശനിയാഴ്ച അരങ്ങേറുന്ന മഹോത്സവം. സീ കേരളം മഹോത്സവം പരിപാടിയിലേക്കുള്ള പ്രവേശനം തികച്ചും സൗജന്യമാണ്.