Advertisements

പൂക്കാലം വരവായി സീരിയല്‍ 500 ൻെറ നിറവിൽ – തിങ്കൾ മുതൽ ശനി വരെ വൈകുന്നേരം ആറുമണിക്ക് സീ കേരളം ചാനലില്‍

ടെലിവിഷൻ പ്രേക്ഷകരുടെ മനസ്സിൽ പ്രണയത്തിൻെറ പൂക്കാലം ഒരുക്കി പൂക്കാലം വരവായി സീരിയല്‍ 500 എപ്പിസോഡുകള്‍ പൂര്‍ത്തിയാവുന്നു

പൂക്കാലം വരവായി

ഗൂഗിള്‍ ന്യൂസില്‍ പിന്തുടരാം

Pookkalam Varavaayi 500 Episodes

മലയാളി ടെലിവിഷൻ പ്രേക്ഷകരുടെ ഇഷ്ട ചാനലായ സീ കേരളം പുതുമയുള്ള ടെലിവിഷൻ പാരമ്പരകളുമായി ജനഹൃദയം കീഴടക്കുകയാണ്. അഭിമന്യുവിൻെറയും സംയുക്തയുടെയും ഹൃദയസ്പർശിയായ പ്രണയ കഥ പറയുന്ന പൂക്കാലം വരവായി പരമ്പര 500 ൻെറ നിറവിൽ എത്തി നിൽക്കുകയാണിപ്പോൾ.

ആദ്യ കാഴ്ച മുതൽ വിദ്വേഷത്തിൻെറ മുള്ളമ്പുമായി പരസ്പരം പോരടിക്കുകയും പിന്നീട് സാഹചര്യങ്ങളുടെ സമ്മർദ്ദം മൂലം വിവാഹം കഴിക്കേണ്ടി വരികയും ശേഷം പരസ്പരം മനസ്സിലാക്കുകയും പ്രണയത്തിലാവുകയും ചെയ്യുന്ന രണ്ട് പേരുടെ കഥയാണ് പൂക്കാലം വരവായി അവതരിപ്പിക്കുന്നത്. മൃദുല വിജയിയും അരുൺ ജി രാഘവനുമാണ് കേന്ദ്രകഥാപാത്രങ്ങളായ അഭിമന്യുവും സംയുക്തയുമായി പ്രേക്ഷകർക്കു മുന്നിലെത്തുന്നത്. 2019 ജൂലൈ ഒന്നിനാണ് പൂക്കാലം വരവായി ആദ്യപ്രദർശനത്തിനെത്തിയത്. അന്നുമുതൽ ടെലിവിഷൻ പ്രേക്ഷകരുടെ ഇഷ്ട പരമ്പരയാണ് പൂക്കാലംവരവായി.

സീ കേരളം പരമ്പരകള്‍

രസകരമായ കഥയും കഥാപാത്രങ്ങളുമാണ് ഈ സീരിയലിന്റെ പ്രധാന ആകർഷണങ്ങൾ. സമൂഹമാധ്യമങ്ങളിലൂടെ പ്രേക്ഷകരുമായി മിക്കപ്പോഴും സംവദിക്കുന്നവരാണ് അരുണും മൃദുലയും. പരമ്പര 500 ൻെറ നിറവിൽ എത്തി നിൽക്കുമ്പോൾ പ്രേക്ഷകരുടെ സ്നേഹത്തിനും പിന്തുണയ്ക്കും നന്ദി പറഞ്ഞുകൊണ്ട് അരുണും മൃദുലയും പരമ്പരയുടെ പോസ്റ്റർ സമൂഹമാധ്യമങ്ങളിൽ പങ്കുവച്ചിട്ടുണ്ട്. നായകൻെറയും നായികയുടെയും ചിത്രം പ്രിന്റ് ചെയ്ത കേക്ക് മുറിക്കുന്ന ചടങ്ങിൻെറ ഒരു ഹ്രസ്വ വീഡിയോ മൃദുല പങ്കുവച്ചിട്ടുണ്ട്. പരസ്പരം മധുരം പങ്കുവയ്ക്കുന്ന ഇരുവരുടെയും ചിത്രങ്ങൾ ആരാധകർ ഏറ്റെടുത്തുകഴിഞ്ഞു.

സീ കേരളത്തിൽ തിങ്കൾ മുതൽ ശനി വരെ വൈകുന്നേരം ആറുമണിക്ക് ടെലികാസ്റ്റ് ചെയുന്ന പൂക്കാലംവരവായി പരമ്പരയിൽ ആരതി സോജൻ, നിരഞ്ജൻ ശ്രീനാഥ്, സോണിയ ബൈജു, രേഖ രതീഷ്, മനീഷ തുടങ്ങിയവരാണ് മറ്റു കേന്ദ്ര കഥാപാത്രങ്ങളെ അവതരിപ്പിക്കുന്നത്.

Ads

അഭിപ്രായം പങ്കു വെയ്ക്കാം

Your email address will not be published.