മലയാളം ടെലിവിഷന്‍ ചാനലുകളുടെ ക്രിസ്മസ് പ്രീമിയര്‍ സിനിമകള്‍ – ഏഷ്യാനെറ്റ്‌

ക്രിസ്മസ് ദിനത്തിൽ രണ്ടു സൂപ്പർ ഹിറ്റ് ചലച്ചിത്രങ്ങളുടെ വേൾഡ് ടെലിവിഷൻ പ്രീമിയർ ഏഷ്യാനെറ്റിലൂടെ പ്രേക്ഷകർക്ക് മുന്നിൽ എത്തുന്നു. വേൾഡ് ടെലിവിഷൻ പ്രീമിയർ ഷോയിൽ ഏഷ്യാനെറ്റിൽ ” മലയൻ കുഞ്ഞും ന്നാ താൻ കേസ് കൊടും ”

മലയൻ കുഞ്ഞ്

പ്രകൃതി ദുരന്തത്തിന്റെ പശ്ചാത്തലത്തിലുള്ള ഒരു സർവൈവൽ ത്രില്ലറായ ” മലയൻ കുഞ്ഞിന്റെ ” വേൾഡ് ടെലിവിഷൻ പ്രീമിയർ ഡിസംബർ 25 , ക്രിസ്മസ് ദിനത്തിൽ വൈകുന്നേരം 4.30 നു ഏഷ്യാനെറ്റ്‌ സംപ്രേക്ഷണം ചെയ്യുന്നു. ഈ സിനിമ കണ്ടുകഴിഞ്ഞാൽ , പ്രകൃതിദുരന്തത്തിന്റെ വാർത്ത കേട്ടാൽ അതൊരു വാർത്തയായി മാത്രം തള്ളിക്കളയാത്തവിധം പ്രേക്ഷകർക്ക് അനുഭവവേദ്യമാകുന്നതരത്തിലാണ് ഒരുക്കിയിരിക്കുന്നത് . ഫഹദ് ഫാസിൽ , ഇന്ദ്രൻസ് , ജാഫർ ഇടുക്കി , രജീഷ വിജയൻ എന്നിവർ പ്രധാന കഥാപാത്രങ്ങളാകുന്നു.

ന്നാ താൻ കേസ് കൊട്

കേരളമാകെ ചർച്ച ചെയ്യപ്പെട്ട സൂപ്പർ ഹിറ്റ് സിനിമയായ ” ന്നാ താൻ കേസ് കൊട് ” ന്റെ വേൾഡ് ടെലിവിഷൻ പ്രീമിയർ ഡിസംബർ 25 , ക്രിസ്മസ് ദിനത്തിൽ രാത്രി 7 മണിക്ക് ഏഷ്യാനെറ്റ്‌  പ്രേക്ഷകർക്ക് മുന്നിൽ എത്തുന്നു .സാധാരണക്കാരനും ഭരണകൂടത്തിനും മധ്യേയുള്ള ഇടത്തട്ടുകളിലെ അഴിയാക്കുരുക്കുകളും അഴിമതികളും ഒക്കെയാണ് ഈ ചിത്രം ഇവിടെ അവതരിപ്പിക്കുന്നത് . കുഞ്ചാക്കോ ബോബൻ , ഗായത്രി , രാജേഷ് മാധവൻ , ബേസിൽ ജോസഫ് , ഉണ്ണി മായ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു.