മലയാളത്തിന്റെ മഹാനടൻ മധുവിന്റെ നവതിയാഘോഷം ” മധു മൊഴി ” ഏഷ്യാനെറ്റിൽ സംപ്രേക്ഷണം ചെയ്യുന്നു .
നടൻ , നിർമ്മാതാവ് , സംവിധായകൻ തുടങ്ങി മലയാളസിനിമയിൽ ആറു പതിറ്റാണ്ടുകൾ പിന്നിട്ട മലയാളത്തിന്റെ മഹാനടൻ മധുവിന്റെ നവതിയോടനുബന്ധിച്ച് ഏഷ്യാനെറ്റും ട്രിവാൻഡ്രം ഫിലിം ഫ്രാറ്റേണിറ്റിയും ചേർന്ന് സംഘടിപ്പിച്ച മെഗാസ്റ്റേജ് ഇവന്റ് ” മധു മൊഴി ” ഏഷ്യാനെറ്റിൽ സംപ്രേക്ഷണം ചെയ്യുന്നു.
മധു@90
മധുവിനെ ആദരിക്കുന്ന ചടങ്ങാണ് ഈ പരിപാടിയുടെ പ്രധാന ആകർഷണം. തുടർന്ന് ചലച്ചിത്രതാരങ്ങളും പ്രശസ്ത ഗായകരും മധുവിന്റെ ചിത്രങ്ങളിൽ നിന്നുള്ള പാട്ടുകൾ കോർത്തിണക്കിയുള്ള സംഗീതവിരുന്നുമായി പ്രേക്ഷകർക്ക് മുന്നിൽ എത്തുന്നു. മോഹൻലാൽ , ബിജു മേനോൻ , ഇന്ദ്രജിത് , സിദ്ദിഖ് , കെ എസ് ചിത്ര , എം ജി ശ്രീകുമാർ , മധു ബാലകൃഷ്ണൻ , നജിം അർഷാദ് , അഫ്സൽ , രാജലക്ഷ്മി , ഗായത്രി , കൃഷ്ണപ്രഭ തുടങ്ങി നിരവധിപേർ ഈ സംഗീതവിരുന്നിൽ അണിനിരന്നു.
മധു മൊഴി
കൂടാതെ ചലച്ചിത്രരംഗത്തെ പ്രമുഖരായ അടൂർ ഗോപാലകൃഷ്ണൻ , ഷാജി എൻ കരുൺ , പ്രിയദർശൻ , സത്യൻ അന്തിക്കാട് , ജനാർദ്ദനൻ , ദിലീപ് , മണിയൻ പിള്ള രാജു , മേനക , അംബിക , ജലജ , രാഘവൻ , സുധീർ കരമന , ഇടവേള ബാബു , സീമ , ശ്രീലത നമ്പൂതിരി , സാഗ അപ്പച്ചൻ തുടങ്ങി സിനിമ സാംസ്കാരികമേഖലയിലെ ഒട്ടേറെ പ്രമുഖർ പങ്കെടുത്തു.
ഏഷ്യാനെറ്റിൽ ” മധുമൊഴി ” ഒക്ടോബർ 1 ഞായറാഴ്ച രാവിലെ 11 മുതൽ സംപ്രേക്ഷണം ചെയ്യുന്നു.
