പുതിയ മലയാളം പരമ്പരകൾ ചെമ്പനീര്‍ പൂവ്, ഏതോ ജന്മ കല്‍പ്പനയില്‍ ലോഞ്ച് ഇവന്റ് ഏഷ്യാനെറ്റ്‌ സംപ്രേക്ഷണം ചെയ്യുന്നു
ചെമ്പനീർ പൂവ് ,ഏതോ ജന്മ കൽപ്പനയിൽ എന്നീ ഏഷ്യാനെറ്റ്‌ പരമ്പരകളുടെ ലോഞ്ച് ഇവന്റ് അടുത്തിടെ കോഴിക്കോട്ട് സംഘടിപ്പിച്ചു .ചലച്ചിത്ര-സാമൂഹ്യ-സാംസ്‌കാരിക രംഗങ്ങളിലെ നിരവധി പ്രമുഖർ ചടങ്ങിൽ സംബന്ധിച്ചു.
ചലച്ചിത്ര-ടെലിവിഷൻ വ്യവസായത്തിൽ നിന്നുള്ള നിരവധി താരങ്ങൾ പങ്കെടുത്ത ചടങ്ങിൽ പ്രമുഖ ടെലിവിഷൻ – ചലച്ചിത്ര കലാകാരന്മാർ അവതരിപ്പിക്കുന്ന വർണ്ണാഭമായ പരിപാടികളും ഉണ്ടായിരുന്നു. ജനുവരി 28 , 2024 ഞായറാഴ്ച വൈകുന്നേരം 4 മണിക്ക് ചെമ്പനീർ പൂവ് & ഏതോ ജന്മ കൽപ്പനയിൽ ലോഞ്ച് ഇവന്റ് ഏഷ്യാനെറ്റ്‌ ൽ സംപ്രേക്ഷണം ചെയ്യുന്നു.
സീരിയല്‍ ചെമ്പനീർ പൂവ്
ഒരു ഇടത്തരം കുടുംബത്തിൽ നിന്നുള്ള രേവതി എന്ന പെൺകുട്ടി , തന്റെ പ്രിയപ്പെട്ടവരുടെ ക്ഷേമത്തിനായി പരിശ്രമിക്കുന്നതിനിടയിൽ ജീവിതത്തിലെ വെല്ലുവിളികളെയാണ് – “ചെമ്പനീർ പൂവ്” പ്രേക്ഷകർക്ക് മുന്നിൽ എത്തിക്കുന്നത്. വിധിയുടെ വഴിത്തിരിവിൽ, സ്നേഹവും ആർദ്രതയും ത്യാഗവും സഹിഷ്ണുതയും നിറഞ്ഞ ഒരു പുതിയ അധ്യായവുമായി സച്ചി എന്ന ചെറുപ്പക്കാരൻ രേവതിയുടെ ജീവിതത്തിലേക്ക് കടന്നുവരുന്നു.
“ചെമ്പനീർ പൂവ്” യഥാർത്ഥ ജീവിത സംഭവങ്ങളും ആകർഷകമായ കഥാസാരവുമായി പ്രേക്ഷകരിലേക്ക് എത്തുന്നു . “ചെമ്പനീർ പൂവ്” തിങ്കൾ മുതൽ ഞായർ വരെ വൈകുന്നേരം 7 മണിക്ക് ജനുവരി 29 മുതൽ ഏഷ്യാനെറ്റ്‌ സംപ്രേക്ഷണം ചെയ്യുന്നു.
സീരിയല്‍ ഏതോ ജന്മ കൽപ്പനയിൽ
“ഏതോ ജന്മ കൽപ്പനയിൽ” പ്രണയത്തിന്റെയും കുടുംബ ബന്ധങ്ങളുടെയും ഒരു സമ്പൂർണ്ണ സംയോജനമാണ് അവതരിപ്പിക്കുന്നത്, ശ്രുതി എന്ന ഒരു മധ്യവർഗ പെൺകുട്ടിയുടെയും അഹങ്കാരിയും സമ്പന്നനുമായ ബിസിനസ്സ്മാൻ അശ്വിന്റെയും കഥയെ ചുറ്റിപ്പറ്റിയാണ് പരമ്പര മുന്നേറുന്നത് .
ഈ രണ്ട് വൈരുദ്ധ്യാത്മക വ്യക്തിത്വങ്ങൾ സാമൂഹിക മാനദണ്ഡങ്ങൾക്കപ്പുറമുള്ള ഒരു പ്രണയകഥയിൽ കുടുങ്ങിപ്പോകുമ്പോൾ ഉണ്ടാകുന്ന സംഘർഷനിമിഷങ്ങളിലൂടെ കഥ വികസിക്കുന്നു. “ഏതോ ജന്മ കൽപനയിൽ” തിങ്കൾ മുതൽ വെള്ളി വരെ ഉച്ചകഴിഞ്ഞ് 2 .30 ന് ജനുവരി 29 മുതൽ ഏഷ്യാനെറ്റിൽ സംപ്രേക്ഷണം ചെയ്യുന്നു.
