ഒരു വടക്കൻ സെൽഫി എന്ന ചിത്രത്തിലൂടെ പ്രശസ്തനായ ജി പ്രജിത്ത് സംവിധാനം ചെയ്ത ‘ആശകൾ ആയിരം’ ഏപ്രിൽ 17-ന് ZEE5-ൽ പ്രീമിയർ ആരംഭിക്കുന്നു.ജയറാം-കാളിദാസ് ജയറാം കൂട്ടുകെട്ടിൽ ഒരുങ്ങിയ ഫാമിലി കോമഡി-ഡ്രാമ ചിത്രത്തിന്റെ തിരക്കഥ ഒരുക്കിയിരിക്കുന്നത് ജൂഡ് ആന്റണി ജോസഫും, അരവിന്ദ് രാജേന്ദ്രനും ചേർന്നാണ്.
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനും കൃഷ്ണമൂർത്തിയും ചേർന്നാണ് ചിത്രം നിർമ്മിച്ചിരിക്കുന്നത്.ജയറാം, കാളിദാസ് ജയറാം എന്നിവർക്കൊപ്പം ആശ ശരത്, ഷറഫുദ്ദീൻ, ഇഷാനി കൃഷ്ണ എന്നിവരും പ്രധാന വേഷങ്ങളിൽ എത്തുന്നു.അച്ഛനും മകനും തമ്മിലുള്ള ആത്മബന്ധത്തിന്റെ വൈകാരികമായ തലങ്ങളാണ് ‘ആശകൾ ആയിരം’ പ്രമേയമാക്കുന്നത്.
കുടുംബപ്രേക്ഷകർക്ക് മറക്കാനാവാത്ത ഹിറ്റുകൾ സമ്മാനിച്ചിട്ടുള്ള ഈ അച്ഛൻ-മകൻ കൂട്ടുകെട്ട്, ‘ആശകൾ ആയിര’ത്തിലും ആ മാജിക് ആവർത്തിക്കുകയാണ്.കോമഡിയും,ഹൃദയസ്പർശിയായ മുഹൂർത്തങ്ങളും കോർത്തിണക്കി ഒരുക്കിയിരിക്കുന്ന ഈ ചിത്രം എല്ലാ പ്രായത്തിലുള്ള പ്രേക്ഷകർക്കും ഒരുപോലെ ആസ്വദിക്കാവുന്ന ഒന്നാണ്.
നീണ്ട 23 വർഷങ്ങൾക്ക് ശേഷം ജയറാം-കാളിദാസ് കോമ്പോ വീണ്ടും വെള്ളിത്തിരയിൽ ഒന്നിക്കുന്നത്. ജീവിതത്തോട് വളരെ ചേർന്നുനിൽക്കുന്ന ഒരു കഥയാണ് ‘ആശകൾ ആയിരം’. അച്ഛനും മകനും തമ്മിലുള്ള സ്നേഹ ബന്ധം പലപ്പോഴും വൈകാരികവും എന്നാൽ പലതും തുറന്നു പറയാത്തതുമാണ്.ZEE5-ലൂടെ ഈ ചിത്രം പ്രേക്ഷകരിലേക്ക് എത്തുന്നതിൽ വലിയ സന്തോഷമുണ്ടെന്ന് ജയറാമും കാളിദാസും കൂട്ടിചേർത്തു .
ഏപ്രിൽ 17 മുതൽ ‘ആശകൾ ആയിരം’ ZEE5 മലയാളത്തിൽ സ്ട്രീമിംഗ് ആരംഭിക്കും.
