ഈ ബംഗാളി ചരിത്രമായി… യൂട്യൂബിൽ 50 ലക്ഷo കാഴ്ച്ചക്കാർ

യൂട്യൂബിൽ 50 ലക്ഷo കാഴ്ചക്കാരുമായി ജോബി വയലുങ്കലിൻ്റെ ബംഗാളി വൻ ഹിറ്റിലേക്ക് കുതിക്കുന്നു.യൂട്യൂബിൽ ഒരു മലയാള സിനിമ ആദ്യമായി വെറും 4 ആഴ്ചകൊണ്ട് 50 ലക്ഷo കാഴ്ചക്കാരെയാണ് ജോബി വയലുങ്കലിൻ്റെ ബംഗാളി സ്വന്തമാക്കിയത്.

2025 ൽ ജനുവരിയിൽ തിയേറ്ററിൽ റിലീസായ “മിസ്റ്റർ ബംഗളി ദി റിയൽ ഹീറോ” അന്ന് അത്രക്ക് ശ്രദ്ധിച്ചില്ല . ജോബി വയലുങ്കൽ രചനയും സംവിധാനവും നിർവഹിച്ച് അരിസ്റ്റോ സുരേഷും ജോബി വയലുങ്കലും അഭിനയിച്ച ഈ സിനിമ ഇപ്പോൾ യൂട്യൂബിൽ വൻ വിജയമായികൊണ്ടിരിക്കുന്നു.യൂട്യൂബ് ചരിത്രത്തിൽ തന്നെ ആദ്യമായാണ് ഇങ്ങനെ ഒരു വ്യൂ ഒരു മലയാള സിനിമക്ക് കിട്ടുന്നത് .സിനിമയുടെ ഈ വലിയ വിജയത്തിൽ സംവിധായകൻ ജോബി വയലുങ്കൽ എല്ലാവർക്കും നന്ദി പറഞ്ഞു . ഈ സിനിമയുടെ വൻ വിജയം കണ്ട് പലരും തങ്ങളുടെ സിനിമകളും യുട്യൂബിൽ അപ്ലോഡ് ചെയ്യാൻ തയ്യാറാകുന്നു .

മെഗാ സ്റ്റാർ മമ്മൂട്ടിയും ഒരു ബീവറേജ്ജും കുടി ഒരു കൊച്ചു ഗ്രാമത്തിൽ ഉണ്ടാക്കുന്ന പുലിവാലുകളാണ് സിനിമയുടെ ഇതിവൃത്തം . കോട്ടത്തറ എന്ന ഒരു സാങ്കല്പിക ഗ്രാമത്തിൽ മെഗാസ്റ്റാർ മമ്മൂട്ടിയുടെ ആരാധകനായ ബംഗാളിക്ക് കൈവന്ന എട്ടു കോടിയുടെ സ്വത്ത്‌ .പിന്നീട് ഈ എട്ടു കോടി അടിച്ചെടുക്കാനുള്ള ആ നാട്ടുകാരുടെ നെട്ടോട്ടവും ഈ സിനിമയെ കൂടുതൽ ജനങ്ങളിലേക്ക് ആകർഷിച്ചു . ചിത്രത്തിൽ ബംഗളിയായി അരിസ്റ്റോ സുരേഷിനോപ്പം പ്രമുഖ യൂട്യൂബറും നിർമ്മാതാവും സംവിധായക്കാനുമായ ജോബി വയലുങ്കൽ എന്നിവർക്ക് പുറമെ കൊല്ലം തുളസി, ബോബൻ ആലുംമൂടൻ, വിഷ്ണുപ്രസാദ്, യവനിക ഗോപാലകൃഷ്ണൻ, സജി വെഞ്ഞാറമൂട്, ഹരിശ്രീ മാർട്ടിൻ, കൊല്ലം ഭാസി എന്നിവവരും ഇവരെ കൂടാതെ നിരവധി താരങ്ങളും ഈ സിനിമയിൽ അഭിനയിക്കുന്നു.

പി ആർ ഒ-എ എസ് ദിനേശ്.