എലോണ്‍ മാർച്ച് 3 മുതൽ ഡിസ്നി + ഹോട്ട്‌സ്റ്റാറിൽ – ഏറ്റവും പുതിയ മലയാളം ഒടിടി റിലീസ്

ത്രില്ലെർ ചലച്ചിത്രം എലോണ്‍ മാർച്ച് 3 മുതൽ ഡിസ്നി + ഹോട്ട്‌സ്റ്റാറിൽ

ഹൊറർ-സൈക്കോളജിക്കൽ ത്രില്ലെർ ചലച്ചിത്രം എലോൺ മാർച്ച് 3 മുതൽ ഡിസ്നി + ഹോട്ട്‌സ്റ്റാറിൽ പ്രദർശനത്തിനെത്തുന്നു .

കൊച്ചിയിലെ ഫ്ലാറ്റിൽ കാളിദാസിന് ഉണ്ടാകുന്ന അമാനുഷികമായ ചില അനുഭവങ്ങളിലൂടെയും, അയാളുടെ ഫോൺ കോളുകളിലൂടെയുമാണ് എലോണിന്റെ കഥ പുരോഗമിക്കുന്നത് . മോട്ടിവേഷണൽ സ്പീക്കറാണെന്ന് പറയുന്നുണ്ടെങ്കിലും അടിമുടി നിഗൂഢതകൾ നിറഞ്ഞ വ്യക്തിയാണ് കാളിദാസൻ. കാളിദാസനുണ്ടാകുന്ന അനുഭവങ്ങളും, അയാളുടെ അന്വേഷണവും, കണ്ടെത്തലുകളും എല്ലാം ഒരു ഫ്ലാറ്റിനുള്ളിൽ ഒതുങ്ങുന്നതാണ്.

മലയാളം ഒടിടി റിലീസ്

ഒറ്റപ്പെടലിൻ്റെ വിഷമവും, മാനസ്സിക സംഘർഷങ്ങളും, ഭയവും, മുഷിച്ചിലും എല്ലാം അനുഭവിച്ചറിയാൻ പ്രേക്ഷകർക്ക് കഴിയുന്നതരത്തിലാണ് ഈ ചിത്രം ഒരുക്കിയിരിക്കുന്നത് .

കാളിദാസനായി മോഹൻലാൽ നിറഞ്ഞാടുമ്പോൾ മഞ്ജു വാര്യർ, പൃത്വിരാജ്, സിദ്ധിഖ്, രഞ്ജി പണിക്കർ, മല്ലിക സുകുമാരൻ, മേജർ രവി തുടങ്ങിയവർ ശബ്ദത്തിലൂടെ തങ്ങളുടെ സാന്നിദ്ധ്യം അറിയിക്കുന്നു .