ഏഷ്യാനെറ്റ്‌

ഏഷ്യാനെറ്റ് ന്യുസ് ചാനല്‍ ഓണാഘോഷ പരിപാടികള്‍

പ്രസിദ്ധീകരിച്ചത്
അനീഷ്‌ കെ എസ്

മലയാളം ചാനലുകളുടെ ഓണം ആഘോഷം – ഏഷ്യാനെറ്റ് ന്യുസ്

Celebrate Onam with Asianet News Channel

കേരളത്തിലെ ന്യുസ് ചാനലുകളിൽ ഏറ്റവും മുന്നിൽ നിൽക്കുന്ന ഏഷ്യാനെറ്റ് ന്യുസ് ഓണമാഘോഷിക്കാനായി മലയാളികൾക്ക് മുന്നിൽ പ്രത്യേക പരിപാടികളുമായി എത്തുന്നു. കെട്ടിലും മട്ടിലും വ്യത്യസ്തമായി പത്ത് പ്രത്യേക പരിപാടികളാണ് ഏഷ്യാനെറ്റ് അവതരിപ്പിക്കുന്നത്. ഓണത്തിന്റെ സാംസ്കാരിക ചരിത്രം മുതൽ ഓണക്കാലത്തു മലയാളികളെ ജി.എസ്.റ്റി എങ്ങനെ ബാധിക്കുന്നുവെന്നു ചർച്ച ചെയ്യുന്ന പരിപാടികൾ വരെ ഏഷ്യാനെറ്റ് ന്യുസ്സ് പ്രേക്ഷകന് സമ്മാനിക്കുന്നു. അത്തം മുതൽ തിരുവോണം വരെ നീളുന്ന പത്തു ദിവസങ്ങളിലും രാത്രി 7.30നാണു പ്രത്യേക ഓണപരിപാടികൾ സംപ്രേഷണം ചെയ്യുന്നത്.

ആഗസ്റ്റ് 28നു ഗൂഡല്ലൂരിൽ നിന്നും ചുരമിറങ്ങി കോഴിക്കോട് മാർക്കറ്റിൽ ഇടം പിടിക്കുന്ന പൂക്കളെക്കുറിച്ചും, പച്ചക്കറികളെക്കുറിച്ചുമുള്ള പ്രത്യേക പരിപാടി ‘ചുരമിറങ്ങും ഓണം’. കീടനാശിനി വിമുക്ത ഓണം എന്ന സന്ദേശവുമായി ജൈവകൃഷിയെക്കുറിച്ചും, കേരളത്തിലെ മികച്ച ജൈവകർഷകരെ സംബന്ധിച്ചുമുള്ള പ്രത്യേക പരിപാടി ‘ഭൂമിയുടെ വെളിച്ചം’ ആഗസ്റ്റ് 29നു സംപ്രേഷണം ചെയ്യും. സംസ്ഥാന അവാർഡ് ജേതാവായ സി.അനൂപാണ് ‘ഭൂമിയുടെ വെളിച്ചം’ നിർമ്മിക്കുന്നത്.

മൽസ്യ-മാംസാദികൾ ഓണവിഭവങ്ങളിൽ ചിന്തിക്കാൻ പോലും ഭൂരിഭാഗം മലയാളികൾക്കുമാവില്ല. എന്നാൽ വടക്കൻ മലബാറിലെ ആളുകൾക്ക് മൽസ്യ-മാംസാദികളില്ലാതെ ഓണം പൂർണമാവില്ല. ‘ഒന്നല്ല രണ്ടോണം’ എന്ന ഏഷ്യാനെറ്റ് ന്യുസിൽ സംപ്രേഷണം ചെയ്യുന്ന പരിപാടി മലയാളികൾക്ക് അത്ര സുപരിചിതമല്ലാത്ത വടക്കൻ മലബാറിലെ ഓണാഘോഷങ്ങളെയും,ഭക്ഷണ സംസ്കാരത്തെയും പരിചയപ്പെടുത്തുന്നതാണ്. ഈ പരിപാടി ആഗസ്റ്റ് 30നു സംപ്രേഷണം ചെയ്യും.

31നു സംപ്രേഷണം ചെയ്യുന്ന ‘ബിസിനസ്സ് ഓണം’ നോട്ടുനിരോധനവും, ജി.എസ്.റ്റിയും ഓണാഘോഷങ്ങളെ എങ്ങനെ ബാധിച്ചുവെന്ന് ചർച്ച ചെയ്യുന്ന പരിപാടിയാണ്. ‘പാട്ടുപൂക്കാലം’ എന്ന പരിപാടിയിൽ ഗാനാലാപന രംഗത്തെ യുവപ്രതിഭകളായ വൈഷ്ണവും,യുംനയുമായുള്ള ഓണവിശേഷം പങ്ക്‌വെയ്ക്കുകയാണ്.ഈ പരിപാടി 1നു സംപ്രേഷണം ചെയ്യും. നടൻ ദിലീപ് അറസ്റ്റിലായതിനു ശേഷമുള്ള മലയാള സിനിമാ മേഖലയുടെ അവസ്ഥ പറയുന്ന പ്രത്യേക പരിപാടി ‘കാര്യസ്ഥനില്ലാത്ത ഓണം’ ആഗസ്റ്റ് 2നു സംപ്രേഷണം ചെയ്യും.

‘പെൺക്യാമറ’ എന്ന പരിപാടി ക്യാമറയുമായി കാട് കയറുന്ന വനിതാഫോട്ടോഗ്രാഫർമാരുടെ ഓണവിശേഷങ്ങൾ പറയുന്നതാണ്. ആഗസ്റ്റ് 2നു രാത്രി 9.30നാണു ഈ പരിപാടി സംപ്രേഷണം ചെയ്യുന്നത്. മലയാളത്തിന്റെ പ്രശസ്തനായ എഴുത്തുകാരൻ എം.ടിവാസുദേവൻ നായരുമായി ഏഷ്യാനെറ്റ് ന്യുസ് എഡിറ്റർ എം.ജി.രാധാകൃഷ്ണൻ നടത്തുന്ന പ്രത്യേക അഭിമുഖം ‘മലയാളത്തിന്റെ യവ്വനം’ ഏഷ്യാനെറ്റ് ന്യുസിന്റെ ഓണം പ്രത്യേക പരിപാടികളിൽ ഏറെ പ്രാധാന്യമുള്ളതാണ്. ഇത്തരത്തിൽ നിരവധി പരിപാടികളുമായി ഈ ഓണം ആഘോഷിക്കാൻ ഏഷ്യാനെറ്റ് ന്യുസ് നിങ്ങളോടൊപ്പം നിങ്ങളുടെ സ്വീകരണ മുറിയിൽ ഓണം നാളുകളിലുണ്ടാവും.

അനീഷ്‌ കെ എസ്

പ്രധാന മലയാളം ടെലിവിഷന്‍ ചാനലുകളുടെ സംപ്രേക്ഷണ സമയം, ടി ആര്‍ പ്പി റേറ്റിംഗ്, സീരിയല്‍ , കോമഡി പരിപാടികള്‍, റിയാലിറ്റി ഷോകള്‍, ചലച്ചിത്ര സംപ്രേക്ഷണ അവകാശങ്ങള്‍, ഡിജിറ്റല്‍ റൈറ്റ്സ് , അഭിനേതാക്കളുടെ വിവരങ്ങള്‍ , ഓണ്‍ലൈനായി ടിവി പരിപാടികള്‍ കാണുവാനുള്ള ആപ്പ്ളിക്കേഷനുകള്‍ തുടങ്ങിയ വിവരങ്ങളാണ് പ്രധാനമായും ഇവിടെ നിന്നും ലഭിക്കുന്നത്. ഏഷ്യാനെറ്റ്‌ , മഴവില്‍ മനോരമ, ഫ്ലവേര്‍സ് , അമൃത , സൂര്യ ടിവി , സീ കേരളം , കൈരളി ടിവി തുടങ്ങിയ മലയാളം ചാനലുകളുടെ ഷെഡ്യൂള്‍ .

പുതിയ ടിവി വാര്‍ത്തകള്‍

മലയാളി ഫ്രം ഇന്ത്യ സിനിമ ഓടിടിയിലേക്ക് – ജൂലൈ മാസം മുതല്‍ സോണി ലിവില്‍ സ്ട്രീമിംഗ് ആരംഭിക്കുന്നു

ജൂലൈ മാസത്തിലെ മലയാളം ഓടിടി റിലീസുകള്‍ ഇവയാണ് - സോണി ലിവില്‍ മലയാളി ഫ്രം ഇന്ത്യ നിവിൻ പോളി, ധ്യാൻ…

2 ദിവസങ്ങൾ ago

ബിഗ്ഗ് ബോസ് മലയാളം സീസൺ 6 വോട്ടിംഗ് – ആരോക്കെയാവും ഫൈനല്‍ മത്സരാർഥികള്‍ ?

ഹോട്ട് സ്റ്റാർ ആപ്പിൽ കൂടിയുള്ള ബിഗ്ഗ് ബോസ് മലയാളം സീസൺ 6 വോട്ടിംഗ് ബിഗ്ഗ് ബോസ് മലയാളം സീസൺ 6…

2 ദിവസങ്ങൾ ago

ജനനം: 1947 പ്രണയം തുടരുന്നു , പുതിയ സിനിമ ജൂൺ 14 മുതൽ മനോരമമാക്‌സിൽ സ്ട്രീമിംഗ് ആരംഭിക്കുന്നു

മനോരമമാക്‌സിൽ ജനനം: 1947 പ്രണയം തുടരുന്നു സിനിമയുടെ സ്ട്രീമിംഗ് ജൂൺ 14 മുതൽ ആരംഭിക്കുന്നു സാമൂഹിക പ്രസക്തമായ പ്രമേയം കൈകാര്യം…

3 ദിവസങ്ങൾ ago

ബിഗ് ബോസ് മലയാളം സീസൺ 6 വിജയി ആരാണ് ? , ഗ്രാൻഡ് ഫിനാലെ ജൂൺ 16 ഞായറാഴ്ച

ഏഷ്യാനെറ്റില്‍ ബിഗ് ബോസ് മലയാളം സീസൺ 6 ഗ്രാന്‍ഡ്‌ ഫിനാലെ ലൈവ് - ജൂൺ 16 ന് ഞായറാഴ്ച രാത്രി…

3 ദിവസങ്ങൾ ago

മലയാളം ഓടിടി റിലീസ് 2024 – സിനിമകള്‍, വെബ്‌ സീരീസുകള്‍ എന്നിവയുടെ ഓൺലൈൻ പ്ലാറ്റ്‌ഫോമുകളിലെ ലഭ്യത

നെറ്റ് ഫ്ലിക്സ് , ഡിസ്നി +ഹോട്ട്സ്റ്റാർ , സോണി ലിവ് , പ്രൈം വീഡിയോ, സീ 5 , സണ്‍…

4 ദിവസങ്ങൾ ago

ജാനകിയുടെയും അഭിയുടെയും വീട് പരമ്പര ഏഷ്യാനെറ്റിൽ ജൂൺ 17 മുതൽ സംപ്രേക്ഷണം ചെയ്യുന്നു

ഏഷ്യാനെറ്റിൽ പുതിയ പരമ്പര " ജാനകിയുടെയും അഭിയുടെയും വീട് " കുടുംബത്തിൻ്റെ ചലനാത്മകതയുടെയും ബന്ധങ്ങളുടെയും ഹൃദ്യവും നാടകീയവുമായ ചിത്രീകരണമായ "ജാനകിയുടെയും…

4 ദിവസങ്ങൾ ago
മലയാളം ടിവി വാര്‍ത്തകള്‍ ഓണ്‍ലൈന്‍ മാനേജ് ചെയ്യുന്നത് ബ്ലോഗര്‍ അനീഷ്‌ കെ എസ് .

This website uses cookies.

Read More