കസിൻസ് & കല്യാണം വെബ് സീരീസ് വരുന്നു ജിയോഹോട്ട്സ്റ്റാറിൽ

പ്രേക്ഷകരെ ചിരിപ്പിക്കാൻ മലയാളത്തിൽ നിന്ന് മറ്റൊരു റോ-കോം വെബ് സീരീസ് കൂടി എത്തുന്നു. കസിൻസ് & കല്യാണം എന്ന ഈ വെബ് സീരീസ് ജിയോ ഹോട്ട്സ്റ്റാറിൽ സ്‌ട്രീമിംഗ്‌ ആരംഭിക്കുന്നു. അൻപതിൽപ്പരം എപ്പിസോഡുകൾ ഉള്ള മലയാളത്തിലെ ആദ്യത്തെ ലോങ്ങ് ഫോം വെബ് സീരീസാണ് കസിൻസ് & കല്യാണം. IN10 Media – സിന്റെ ബാനറിൽ നിർമ്മിച്ചിരിക്കുന്ന ഈ സീരീസിന്റെ writer and creator പ്രവീൺ ബാലകൃഷ്ണനാണ്. വിഷ്ണു ചന്ദ്രൻ സംവിധാനം നിർവ്വഹിച്ചിരിക്കുന്നു ഈ സീരീസിന്റെ പ്രൊഡക്ഷൻ കോഡിനേറ്റർ അനൂപ് ചന്ദ്രശേഖറാണ്.

ഒരു അഡാർ ലവ് എന്ന ചിത്രത്തിന് ശേഷം പ്രിയ പ്രകാശ് വാര്യരും റോഷൻ അബ്ദുൽ റഹൂഫും ഒരുമിക്കുന്ന ഈ സീരീസിൽ ജുനൈസ്, നന്ദന വർമ്മ , സുബിൻ ടാർസൻ, സാനിയ ഫാത്തിമ, നന്ദ ജയദേവ് എന്നിവർ പ്രധാന കഥാപാത്രങ്ങളായി എത്തുന്നു.

25 വർഷങ്ങളിൽ 7 കല്യാണങ്ങൾ കൂടുന്ന 6 കസിൻസിൻറെ രസകരമായ കഥയാണ് ഈ സീരീസ് പറയുന്നത്. സൗഹൃദത്തിന്റെയും, ബന്ധങ്ങളുടെയും കഥ ചെറിയ ട്വിസ്റ്റുകളോടെ അവതരിപ്പിച്ചിരിക്കുന്ന ഈ സീരീസ് പ്രേക്ഷകർക്ക് ഒരു സർപ്രൈസായിരിക്കും.

ഈ സീരീസിന്റെ ദൃശ്യങ്ങൾ പകർത്തിയത് നൗഷാദ് ഷെരീഫും എഡിറ്റിങ് സൂരജ് ഈ എസ് -മാണ്. മലയാളം, തമിഴ്, തെലുങ്ക്, കന്നഡ, മറാത്തി, ഹിന്ദി, ബംഗാളി എന്നീ ഏഴ് ഭാഷകളിൽ കസിൻസ് & കല്യാണം സ്ട്രീം ചെയ്യും.