ഏഷ്യാനെറ്റ് ഓണം സിനിമകള്‍ – കിലോമീറ്റേഴ്സ് ആന്റ് കിലോമീറ്റേഴ്സ് ടെലിവിഷനിൽ നേരിട്ടുള്ള റിലീസ്

അവധിക്കാലം ആഘോഷമാക്കാന്‍ പുതുപുത്തന്‍ സിനിമകള്‍ – ഏഷ്യാനെറ്റ് ഓണം സിനിമകള്‍

ടോവിനോ തോമസ് അഭിനയിച്ച ഏറ്റവും പുതിയ മലയാള ചലച്ചിത്രം കിലോമീറ്റേഴ്സ് ആന്റ് കിലോമീറ്റേഴ്സ് ടിവിയിൽ നേരിട്ട് റിലീസ് ചെയ്യുന്നതിലൂടെ ചരിത്രം സൃഷ്ടിക്കും. ഏഷ്യാനെറ്റ് ഓണം സിനിമകളുടെ പ്രൊമോ വീഡിയോ അവരുടെ സോഷ്യല്‍ മീഡിയ പേജുകള്‍ വഴി പങ്കു വെച്ചു കഴിഞ്ഞു. ലാലോണം നല്ലോണം , മോഹൻലാലിനൊപ്പം ഒരു സ്റ്റേജ് ഷോയും ഏഷ്യാനെറ്റ്‌ ഈ ഉത്സവ നാളുകളില്‍ പ്രേക്ഷകര്‍ക്കായി ഒരുക്കുന്നുണ്ട്‌. മ്യൂസിക്കൽ റിയാലിറ്റി ഷോയുടെ ഏറ്റവും പുതിയ പതിപ്പ് സ്റ്റാർ സിംഗര്‍ 8 ഉടൻ ആരംഭിക്കാനും ഏഷ്യാനെറ്റ് പദ്ധതിയിടുന്നുണ്ട്. കേരളത്തിലെ ഏറ്റവും വലിയ ഉത്സവ സീസണാണ് ഓണം, എല്ലാ പ്രമുഖ ചാനലുകളും ഈ അവസരത്തിൽ ഏറ്റവും പുതിയ സിനിമകളും പരിപാടികളും പ്രേക്ഷകര്‍ക്കായി അവതരിപ്പിക്കുന്നു.

ഏഷ്യാനെറ്റ്‌ ഓണചിത്രങ്ങള്‍

1, കിലോമീറ്റേഴ്സ് ആന്റ് കിലോമീറ്റേഴ്സ്
2, കപ്പേള
3, സുഫിയും സുജാതയും
4, കണ്ണും കണ്ണും കൊള്ളയടിത്താൽ
5, പെൻഗ്വിൻ
6, പൊന്മകള്‍ വന്താല്‍
7, ട്രാൻസ്
8, ഫോറൻസിക്

കിലോമീറ്റേഴ്സ് ആന്റ് കിലോമീറ്റേഴ്സ് – ജിയോ ബേബി സംവിധാനം ചെയ്ത ചിത്രത്തില്‍ ടോവിനോ തോമസ്, ഇന്ത്യ ജാർവിസ്, ജോജു ജോർജ്, ബേസിൽ ജോസഫ് എന്നിവര്‍ പ്രധാന വേഷങ്ങള്‍ ചെയ്യുന്നു. ജോസ്മോനും കാത്തിയും തമ്മിലുള്ള ബന്ധം പറയുന്ന ഈ ചിത്രം ഓണം സീസണിൽ ഏഷ്യാനെറ്റ് റിലീസ് ചെയ്യും.

കപ്പേള , അന്ന ബെൻ, റോഷൻ മാത്യു, ശ്രീനാഥ് ഭാസി അഭിനയിച്ച ചിത്രമാണ്‌ ഏഷ്യാനെറ്റ് ഓണം പ്രീമിയേഴ്സിനായി ഷെഡ്യൂൾ ചെയ്ത മറ്റൊന്ന്. ആമസോൺ പ്രൈം വീഡിയോയിൽ നേരിട്ട് റിലീസ് ചെയ്ത സൂഫിയം സുജാതയും ഏഷ്യാനെറ്റ് ഓണം സിനിമകളില്‍ ഒന്നാണ് . ഫ്രൈഡേ ഫിലിം ഹൗസിന് കീഴിൽ വിജയ് ബാബു നിർമ്മിച്ച ചിത്രത്തില്‍ ജയസൂര്യ, അദിതി റാവു ഹൈദാരി, ദേവ് മോഹൻ, സിദ്ദിഖ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.

ദുൽഖർ സൽമാൻ, റിതു വർമ്മ, രക്ഷൻ, നിരഞ്ജനി അഹതിയൻ എന്നിവർ അഭിനയിച്ച കണ്ണും കണ്ണും കൊള്ളയടിത്താൽ സിനമയുടെ മലയാള അവകാശങ്ങൾ സ്വന്തമാക്കിയ ഏഷ്യാനെറ്റ്‌ ഈ അവധി വേളയില്‍ അതിന്‍റെ ആദ്യ ടിവി സംപ്രേക്ഷണം ഒരുക്കുന്നു. കാർത്തിക് സുബ്ബരാജ് നിർമ്മിച്ച ഈശ്വർ കാർത്തിക് തിരക്കഥയെഴുതി സംവിധാനം ചെയ്യുന്ന പെൻഗ്വിൻ സിനിമയും ഏഷ്യാനെറ്റ് ഓണം സിനിമ പട്ടികയില്‍ ഇടം പിടിച്ചിട്ടുണ്ട് . കീർത്തി സുരേഷ് പ്രധാന കഥാപാത്രത്തെ അവതരിപ്പിച്ച ഈ തമിഴ് സിനിമ പ്രൈം വീഡിയോയിൽ നേരിട്ട് റിലീസ് ചെയ്യുകകായിരുന്നു.സൂര്യ, ജ്യോതിക, കെ ഭാഗ്യരാജ്, ആർ പാർത്തിപൻ എന്നിവർ അഭിനയിച്ച പൊന്മകള്‍ വന്താല്‍ ആണ് മറ്റൊരു ഏഷ്യാനെറ്റ്‌ ഓണച്ചിത്രം.